Tuesday, April 29, 2008

tango #5


one lazy Friday afternoon, while having dessert and coffee with a friend, may nakita akong dating kakilala. di ko naman siya pinapansin nuon. ako nga si dencio di ba? friend sya ng friend ko, eh ginago nya friend ko. natural hindi ko siya gusto maging friend kahit obvious na nagpapapansin. pag binibisita nya ang friend ko at nariyan ako, hindi ako lumalabas para makihalubilo...may pagkamasokista kase ang friend ko. miss congeniality. kahit ginagago na siya eh nice pa rin. am not like that. palagi ko sinasabihan pero pasaway siya, ayun laging ineentertain pa rin ang ogag na yun.

cut to: after a year, may nagview sa friendster account ko at nagmessage pa. siya. ang kapal. sinusumbatan ako dahil suplado raw ako...ewan ko ba, nagreply naman ako. katangahan #1. siguro sikat non si lucky manzano. kase kamukha niya. ayun, nagcorrespondence kami sa friendster. opo, nakipagflirt ako sa mga email, text messages, mms. katangahan #2. sorry, tao lang po. (flashback: si lea salonga sa bakit labis kitang mahal: "pasensya ka na dahil hindi mo ko katulad na napakaperfecccttt!") at lahat ng ito ay tinago sa kaibigan ko...pero nalaman din niya somehow. alam ko sumama loob niya. pinagpalit ko friendship namin sa pakikipagflirt. pero that's another topic.

nawala na lang bigla ang flirtation namin. natigil. nagkalimutan na nga eh. all for the best siguro. cut to: present, coffeshop. palabas na siya with his take-out at nakita niya ko. on reflex, i stood up and extended my hand. exchange of pleasantries. he was in a hurry. he asked for my number, at binigay ko naman. katangahan #3. then he took off already. after a minute, he texted and told me that it was him. next text was "cute mo pa rin". ampootah, flirt talaga. of course, ang reply ko --- ang walang kamatayang, official reply ng walang masabi at playing safe, isang smiley. wahahaha. yun lang. pero teka lang, be ready for katangahan #4. we carried out this flirtation again over the weekend. he called me up several times. hay gulay!!!! sinakyan ko pa ang mga plans niya na magkita one of these days and bond! as if! bond daw! di naman james ang first name ko. haha, corny, sorry.

trobol na naman. patay. bakit kase na out of character si dencio eh? katangahan #5.

Monday, April 28, 2008

trobol talaga


trobol.

yan ang madalas kong pasukan. dala ng aking kapusukan at kamusmusan. yup, on hindsight, napakaimpulsive ko, at "I was too young..." (sagot ka: "but that's no excuse..."). hindi ako nag-iisip kase. ang mental acrobatics ng brain cells ko ay confined sa classroom at discussions among friends. pero kapag libog na umiiral, ang ulo sa ibaba ang nasusunod. nawawalan ako ng sense and reason. sabi ng makatang Federico Licsi-Espino, "ang libidong lampa" ang nangingibabaw. natatapilok at nadarapa dahil sa libog ko. ito yung sinasabi ng lawyer-friend ko na, lack of better judgement. gusto ko batukan ang sarili ko at sumigaw ng, "what were you thinking?"

simple lang sana ang buhay ko. stick to your partner. wag na magpacute. wag na makipagflirt. wag na mag-entertain. na out of character si dencio padilla dahil sa libog. di na kaya ang maging dense at deadma, at pinatulan ang tukso. yan ang trobol ko. self-inflicted. di kase nag-iisip. ampootah kaseng libog eh. nakakalampa. alam ko ang dapat gawin pero hindi pa rin nagagawa. easier said than done. ayan, in trobol ako tuloy.

sabi ng mga kaibigan ko, i have a knack for complicating things. yung simple lang ay ginagawa kong komplikado daw. mahilig ako magpahirap ng mga bagay-bagay. kaya ayan lagi akong in trobol.

trobol talaga ito.

Monday, April 14, 2008

nasa DNA strand


sabi ni mommydear, bata pa lang daw ako ay marami nang nagsasabi na cute daw ako. tuwing hapon, uupo kami sa hagdanan ng bahay na malapit sa kalye. kapag dumadaan ang mga kapitbahay namin ay sinasabihan akong pogi, sabay lapit sa kin at kinukurot ang pisngi ko. siyempre, sasabihin ni mommydear na "pwera usog". mahirap na di ba? wala namang mawawala kung sabihin yon. the point is, bata pa lang ako, kinagigiliwan na ko.

nung elementary ako, marami pa ring nagsasabi kay mommydear na ang gwapo naman ng anak mo tuwing kasama niya ako sa school, sa simbahan, sa palengke. sinasabi nila, "pag laki niyang anak mo, naku, maraming sisiraing babae yan". nariirinig ko iyan nang madalas. pati sa mga tito at tita, narinig ko na yan ng ilang beses.

sa school, lagi akong nasa harapan pag may presentation. pinipili ng mga teacher pag may programs sa school. nung sinayaw namin ang "Putting on the Ritz", ako ang nasa harapan. sa recital namin ng poetry, nasa harap ako. sa mga field demo at group singing, nilalagay ako sa harap. magaling naman akong sumayaw at kumanta noon, pero sa tingin ko, dahil ito sa face value. ang gwapo ay ilagay sa harap.

nung highschool, ganun pa rin. sa schoolplays namin, maganda role ko parati, kung di man ako bida. nasa harapan pa rin. unang pinipili. unang binibigyan ng role. gwapo kasi ako. cutey. Q5. naranasan ko yung tilian. yung makatanggap ng fanmail at loveletters. pati nga proposition na maging boyfriend ako, nakatanggap ako. gwaping kasi. naging crush ng bayan. maraming nakapansin. maraming nagpakilala. headturner daw. ang swerte ko talaga. salamat sa genes nina mommydear at daddydear.

i got mileage for being goodlooking. not bad. pero dahil din dito, gumulo ang buhay ko. mahirap pala talaga ang maging gwapo. lalu na kung alam mo na gwapo ka. tsk, tsk.

trobol ito.

dense si dencio padilla


ako si dencio padilla...i am accused of being dense. callous daw, uncaring, indifferent.

in short, deadma. deadma sa mga bagay-bagay. flat affect. NVR, not NR. no visible reaction. walang pakialam. ma at pa. weno ngayon, sabi nga nila. weno nga ba ngayon? anong pakialam ko? problema mo? care ko. deadma.

instinct for self-preservation siguro. may magagawa ba ko kung magngangangawa ako? babalik ba sya kung umiyak ako ng dugo? eh kung isigaw ko kaya ang pangalan nya for 1 hour, walang patid, mawawala ba ang sakit? kung maghungerstrike ba ko ng isang dekada, will you see me in a different light? hindi di ba? ganun pa rin yun. wala nang magbabago. ang nakaraan ay alaala na lamang. kaya bakit pa mag-eemote? bakit sad songs pa ang OST? hindi ako masokista. deadma na lang.

sa loob ng twentysomething kong buhay, pakiramdam ko na marami na rin akong pinagdaanan. maraming pinasok na landas. maraming pinagdaanan. marami nang sinuong na mga bagay-bagay. maraming wrong moves.

may regrets, of course! kung sino man yung nagsasabi na walang regrets ay nagsisinungaling...siyempre may isang bahagi ng buhay mo na di mo pipiliing ulitin, isang desisyon na sana hindi mo ginawa. meron yun sa lahat ng tao. mamatay man ako, meron talagang regrets. yung tipong, how you wished you did things differently. meron yun talaga. o kaya, on hindsight ba, gusto mo sapukin ang sarili mo at sabihing, what the hell was i thinking? marami akong nais baguhin, maraming nais ituwid pero wala namang time machine eh. ganun talaga. nangyari ang dapat mangyari. pinili mo ang gusto mong piliin.

sa isang banda, tama rin ang mga tagapagtaguyod ng "no regrets movement", kase we are who we are because of the choices we have made. hindi ako ganito kung di ako nagkamali noon. ganon. tama naman di ba? i can think this way dahil sa mga nagawa ko at nangyari sa buhay ko noon.

pero di panghabambuhay na pwedeng maging dencio padilla. kailangang harapin ang sarili. harapin ang mga multo ng nakaraan. sa ganitong paraan, i can move on.

kaya siguro kahit di na uso ang blog ay eto ako at nagsisimulang magblog.

marami akong gustong ikwento. babalikan ang nakaraan para maituwid ang ngayon at mapaganda ang bukas.

ako si dencio padilla, at ito ang kwento ng buhay-pag-ibig ko.

Sunday, April 13, 2008

ako si dencio padilla.


ako si dencio padilla.
male, late twenty something.
pinanganak sa central luzon.
nang teenager na ay na-expose na sa buhay sa Maynila.
stats : medium built, fair skinned to mestizo, smooth, clean, may porma at dating, goodlooking. laking pasalamat ko sa genes ni mama at papa.
at marahil, dahil diyan, ako ay nagkaroon ng samu't saring karanasan sa larangan ng pakikipagrelasyon...

oo, ako ay isang loverboy. naging lover, bf, fb, fuck buddy, tripper, katrip, kasexmate, kagerger, ka-fubu, kachukchak, boytoy, keptman, kachuchu, kabit, kalakudidang, jowa, thirdparty, kabit, kasali, kasalo ... call it what you want pero yun talaga ako. nainvolve sa maraming tao. nainlove, nakipagsex, nakipagtripping, nakialam, nakisawsaw, nakipaglokohan, nakipagmabutihan, nanloko, nagpaloko, niloko, nagmahal, minahal, iniwan, nang-iwan, pinaiyak, nagpaiyak, pinaligaya, nagpaligaya.

ako si dencio padilla.
i am who i am.
eto ang kwento ko.